Монгол Улсын Ерөнхийлөгчийн санаачлан хэрэгжүүлж буй "Эрүүл Монгол хүн үндэсний хөдөлгөөн"-ийг улсын хэмжээнд идэвхтэй амьдралын хэвшлийг дэмжих аяны хүрээнд “Илүүдэл жингүй эртэч Сүхбаатарчууд” уриан дор бүх нийтийн гүйлтийг уламжлалын дагуу хуваарьт өдрөө буюу 2025 оны 05 дугаар сарын 17-ны бямба гарагийн өглөө 07:00 цагт Сүхбаатарын талбайд хамтран зохион байгууллаа. Гүйлтийн үеэр салбар дундын хамтын ажиллагааг өргөжүүлэх, байгууллага хамт олны идэвхи оролцоог нэмэгдүүлэх, иргэд олон нийтийг биеийн тамир, спортоор хичээллэхийг уриалах, оролцогчдод витаминжуулалт хийх, байгууллагын үйл ажиллагаагаа сурталчлах зэрэг албан хаагчдынхаа эрүүл мэндэд анхаарах, чөлөөт цагийг зөв боловсон өнгөрүүлэхэд чиглэгдсэн арга хэмжээнүүдийг авч хэрэгжүүллээ.
