Монгол Улс анхдугаар Үндсэн хуулиа баталж, Бүгд Найрамдах Улс тунхагласны 100 жилийн ойг тохиолдуулан Монгол Улсын Төрийн албаны тухай хуулийн 36 дугаар зүйл, Монгол Улсын Ерөнхийлөгчийн 1995 оны 109 дүгээр зарлигаар батлагдсан “Төрийн захиргааны албан хаагчийн тангараг өргөх ёслолын журам”-ын 1, 4, 8 дугаар заалтыг үндэслэн Төрийн албаны зөвлөлийн Улсын бүртгэлийн ерөнхий газрын дэргэдэх салбар зөвлөлийн тогтоолоор төрийн жинхэнэ албан хаагчийн тангараг өргөх ёслолыг өнөөдөр /2024.11.25/ зохион байгууллаа.
Төрийн жинхэнэ албанд анх удаа томилогдож буй 14 албан хаагч /УБЕГ 1, Нийслэлийн Чингэлтэй дүүргийн Улсын бүртгэлийн хэлтэс 1, Хөвсгөл аймгийн Улсын бүртгэлийн хэлтэс 7, бусад аймаг 5/ төрийн сүлдэндээ мэхийн ёсолж, төрийн жинхэнэ албан хаагчийн тангаргаа өргөн, батламж гардан авлаа.
Тангараг өргөх ёслолын ажиллагаанд Улсын бүртгэлийн ерөнхий газрын даргын албан үүргийг түр орлон гүйцэтгэгч У.Болдхүү, Тамгын газрын дарга Д.Давааням, Эд хөрөнгийн эрхийн улсын бүртгэлийн газрын дарга Б.Ариунболд болон бусад удирдлагууд оролцож, төрийн жинхэнэ албан хаагч болсон албан хаагчдад баяр хүргэж, ажлын амжилт хүслээ.
.jpg)
.jpg)
