Хууль зүй, дотоод хэргийн сайд Б.Энхбаяр Улсын бүртгэлийн байгууллагад ажиллалаа

ХЗДХ-ийн сайд Б.Энхбаяр өнөөдөр /2024.01.29/ Улсын бүртгэлийн ерөнхий газарт ажиллаж, тус газрын төв байр, Мэдээллийн технологийн төв байрны иргэний бичиг баримтын үйлдвэр, сервер, хяналтын өрөө, бүртгэлийн нэгдсэн лавлах 1800-1890 болон архивын байртай танилцаж, албан хаагчидтай уулзалт хийлээ.

Тус ажлын хүрээнд Улсын бүртгэлийн ерөнхий газрын дарга Д.Дэлгэрсайхан 2023 оны онцлох ажил болон цаашид авч хэрэгжүүлэх арга хэмжээг танилцуулж, Хууль зүй, дотоод хэргийн сайд Б.Энхбаяр албан хаагчдад үүрэг чиглэл өгснөөр өндөрлөв.

Мөн энэ үеэр Улсын бүртгэлийн цахим үйлчилгээний 24/7 төвийг нээж, үйл ажиллагааг эхлүүллээ.

Улсын бүртгэлийн цахим үйлчилгээний 24/7 төв нь Улсын бүртгэлийн ерөнхий газрын төв байрны 1 давхарын цахим үйлчилгээний зааланд байрлаж, 7 хоногийн турш 24 цагаар ажиллаж иргэн, хуулийн этгээдэд үйлчилгээ үзүүлж эхэллээ.