Бүгд Найрамдах Улс тунхагласан түүхэн өдрийг тохиолдуулан Монголын Залуучуудын Холбооны санаачилгаар “Монгол Улсын Иргэний андгай өргөх ёслол”-ыг 2002 оноос эхлэн Монгол Улсын Ерөнхий сайдын ивээл дор зохион байгуулж эхэлсэн түүхтэй.
2016 оноос эхлэн Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газартай хамтран тасралтгүй зохион байгуулсаар энэ жил 21 дахь жилдээ зохион байгуулж байна.
“Монгол Улсын Иргэний Андгай өргөх ёслол” -ын үйл ажиллагаа нь залуу үеийнхэнд эх оронч сэтгэлгээг төлөвшүүлэн, төр улсаа эрхэмлэн дээдлэх, эх орон ард түмнийхээ өмнө хүлээх хариуцлагаа ухамсарлан чин шударгаар амьдрах, түүх соёлоороо бахархах үзлийг төлөвшүүлэх зорилготой билээ. Сүхбаатар аймгийн ирээдүй болсон 16 настнууд маань өнөөдөр “хүүхэд” гэх тодотголд биш “залуу” хэмээх эрхэм хүндтэй алдрыг авч, Монгол Улсын иргэний үнэмлэхээ батламжийн хамт нэр төртэйгээр гардан авлаа.
Арга хэмжээнд 80-н өсвөр үе, залуучууд оролцлоо.
