ГАМШГИЙН ЭРСДЭЛИЙГ БУУРУУЛАХ ОЛОН УЛСЫН ӨДРИЙГ ТЭМДЭГЛЭН ӨНГӨРҮҮЛЛЭЭ.
“Гамшгийн эрсдэлийг бууруулах олон улсын өдөр”-ийг тэмдэглэх өнгөрүүлэх ажлын хүрээнд олон нийтийг аюулгүй амьдрах арга ухаанд сургаж дадлагажуулах, гамшгийн эрсдэлийг бууруулах ач холбогдолыг хүүхэд, залууст танин мэдүүлэх зорилгоор 2023 оны 10 дугаар сарын 13-ны өдөр “Гамшигт тэсвэртэй ирээдүйн төлөө тэгш бус байдалтай тэмцэх нь” уриан дор Сүхбаатарын төв талбайд мэргэжлийн ангиудын бэлэн байдлыг шалгаж, албадын дарга нарт үүрэг чиглэл өгч, болзошгүй гамшиг, ослоос урьдчилан сэргийлэх, гамшгийн эрсдэлийг бууруулах, гамшгийн үед гүйцэтгэх чиг үүргийн талаар иргэд, олон нийтэд мэдээлэл, танилцуулга хийхэд оролцлоо.
“Аюулгүй амьдрах ухаан” сэдэвт танхимын болон гал унтраах тактик, аврах ажиллагааны дадлага сургалтыг Мэргэжил, сургалт үйлдвэрлэлийн төвд зохион байгуулж Онцгой байдлын газраас нийт 34 алба хаагч, Мэргэжил сургалт үйлдвэрийн төвийн 52 ажилтан хамрагдсан.
