Сүхбаатар аймгийн бүх сумын улсын бүртгэлийн ажилтнууд иргэдэд тоон гарын үсэг олгож эхэллээ

Цахим гарын үсгийн тухай хууль энэ сарын 1-ний өдрөөс хүчин төгөлдөр болсон. Тус хууль хэрэгжиж эхэлсэнтэй холбоотой улсын бүртгэлийн байгууллага иргэдэд тоон гарын үсэг олгож байна.

Уг ажлын хүрээнд Сүхбаатар аймгийн Улсын бүртгэлийн хэлтсээс 13 сумын улсын бүртгэгч нарыг холбогдох сургалтад хамруулж, 2022.05.09 өдрөөс эхлэн харьяалал харгалзахгүйгээр сумдын төвөөс тоон гарын үсэг олгож эхэллээ.

Иргэд харъяа сумын улсын бүртгэлийн ажилтан дээр иргэний үнэмлэхтэйгээ очиж, тоон гарын үсэг авах боломжтой. Тоон гарын үсгээ баталгаажуулснаар төрийн үйлчилгээг хаанаас ч цахимаар авах боломж бүрдэнэ.