АЙМГИЙН ЗАСАГ ДАРГА М.ИДЭРБАТ СУМД, АГЕНТЛАГ, АЛБАДЫН ДАРГА НАРТ ҮҮРЭГ ЧИГЛЭЛ ӨГӨВ
Сүхбаатар аймгийн уураг тархи нь болсон хүмүүс энд сууж байна. Сумдын Засаг дарга, ИТХ-ын дарга ЗДТГ-ын дарга, агентлаг, албадын дарга нарын хэлсэн саналыг сонслоо. Сэтгэл ханамжтай байна.
Ирэх жилүүдэд өнөөдрөөс илүү 2-3 дахин үр дүнг хүлээж байна.
2021 онд Сүхбаатар аймгийн хүн ам 65.2 мянга болсон.Бид улам олуулаа болох ёстой . Далан мянга дахь иргэндээ 3 өрөө байр өгнө.
Сумд иргэдийг урьдчилан сэргийлэх үзлэгт хамруулж, хэвшүүлэх хэрэгтэй. Ингэснээр өвчнийг эрт илрүүлж дундаж наслалт уртасна.
Орон нутагт нарийн мэргэжлийн шилдэг боловсон хүчнийг бэлтгэхэд бодлогоор дэмжинэ. Спортоор тэргүүлдэг аймаг болоход өндөр зэрэглэлийн багш нарыг урилгаар авчрахад дэмжлэг үзүүлнэ.
2022 онд "Нэг сум, Нэг бренд" бүтээгдэхүүнтэй болох
Сум хөгжүүлэх сангийн зээлийг хувь хүнд бус хоршоонд олгодог болно.
Сумд агентлаг, албад байгаа түвшиндээ цэвэр цэмцгэр байх,
Тухайлбал, сумд хоггүй, шарилжгүй, авто зам нь шороогүй цэвэрхэн, золбин нохойгүй, гэрэлтүүлэг бүрэн асдаг байхад онцгой анхаарах,
Бичигт боомтыг эдийн засгийн эргэлтэд оруулж нүүрсний тээвэр хийх компаниудад газар олгох асуудлыг шийдвэрлэнэ.
Аймгийн Засаг даргын орлогч Д.Шижирбаатараар ахлуулсан аймгийн 80 жилийн ойн баярын арга хэмжээг зохион байгуулах ажлын хэсэг байгуулагдсан. Хамтран бүтээж, хамтдаа хийж энэ ажлын ард гарах ёстой. Ой тэмдэглэх гэдэг бол аймаг, сумын хэдэн дарга нарын ажил биш. Хүн бүр хичээл зүтгэлтэй оролцох шаардлагатай.
Улсын төсвийн хөрөнгө оруулалтаар хийгдэж буй ажлын тендерийг нэгдүгээр улиралд багтаан зохион байгуулж ажлаа эрт эхэлж, хугацаанд нь дуусгах талаар үүрэг чиглэл өгөв.
