УБЕГ-ын Эд хөрөнгийн эрхийн улсын бүртгэлийн газраас аймаг болон дүүргийн эд хөрөнгийн эрхийн улсын бүртгэлийн бүртгэгчдийг чадавхжуулах, бүртгэл хөтлөх болон цахим системийн боловсруулалтад анхаарах асуудлуудын хүрээнд зөвлөмж, чиглэл өгөх цахим сургалтыг өнөөдөр /2021.03.17/ зохион байгууллаа.
Сургалтыг ЭХЭУБГ-ын дарга Б.Ариунболд нээж, үргэлжлүүлэн ахлах мэргэжилтэн З.Ганцэцэг, улсын ахлах бүртгэгч Э.Отгонтунгалаг нар тус тус мэдээлэл хүргэн харилцан санал солилцсон бөгөөд хоёр цаг гаруй үргэлжилсэн цахим сургалтын төгсгөлд бүртгэгчдийн зүгээс асуусан асуултад хариулт өгснөөр өнөөдрийн сургалт өндөрлөлөө.
Ташрамд дурдахад улсын хэмжээнд 170 гаруй эд хөрөнгийн эрхийн улсын бүртгэгч ажиллаж байгаа бөгөөд нийт 60 орчим төрлийн үйлчилгээг иргэдэд хүргэн ажиллаж байна. Иргэдийн зүгээс барьцааны гэрээ шинээр бүртгүүлэх болон дуусгавар болгох үйлчилгээг ихээр авдаг бөгөөд өмчлөх эрхээ анх удаа бүртгүүлэх, өмчлөх эрх шилжүүлэх, эд хөрөнгийн эрхийн улсын бүртгэлд өөрчлөлт оруулах, түрээсийн гэрээ бүртгүүлэх, урьдчилсан тэмдэглэл хийлгэх, цуцлах зэрэг үйлчилгээг өөрт ойрхон улсын бүртгэлийн аль ч нэгжээс авах боломжтой юм.
